Қанды қаңтарда жарақат алған әскерилер Қарулы Күштер қатарынан шығарылмайды

Алматы гарнизонына жұмыс сапары барысында Қорғаныс министрі қаңтар оқиғасы салдарынан зардап шеккен әскери қызметшілерді аралап, әскери-клиникалық госпитальда болды.

Қорғаныс министрі генерал-лейтенант Руслан Жақсылықов қанды қаңтарда зардап шеккен әскери қызметшілер Қарулы Күштер қатарынан шығарылмайтынына және қызметін жалғастыратынына сендірді.

Барлық әскери қызметшілер толық тексеруден өтті, оларға қажетті көмек көрсетіліп, ем тағайындалды. Зардап шеккендердің көпшілігі қазірдің өзінде сауығып, жұмысқа қайта кірісті.

Қорғаныс министрі Қазақстан халқының игілігі жолындағы лайықты қызметі үшін ризашылығын білдіріп,  радиостанциялар әскери-инженерлік институтының курсанттары подполковник Хакім Ізбакиевке, аға лейтенант Сүннет Қалжігітке, сержанттар Ербол Кендірбаев пен Шалқар Қылышовқа, электроника және байланыс мамандары Рамиль Тұрған мен Омар Әлиев, сондай-ақ Ұлттық ұланның әскери бөліміндегі  қатардағы жауынгер Мейіржан Бимырзаға «Ел қорғаны» медальдарын табыс етті.

Еске салсақ, 19 қаңтарда Қазақстан президенті Қасым-Жомарт Тоқаев Қорғаныс министрі Мұрат Бектановты қызметінен босатып, «Қаңтар оқиғасы кезінде Қарулы Күштер сенімділік  пен бастамашыл басшылықтың болмауына байланысты өздеріне жүктелген міндеттерді  абыроймен орындай алмады» деп мәлімдеді.