Қанды қаңтар: Таразда 13 адамға сот үкімі шықты

Бүгін Тараз қалалық № 2 сотының судьясы Бағдат Төребекұлының төрағалық етуімен ҚР Қылмыстық кодексінің 291-бабы, 188-бабы бойынша айыпталған 13 сотталушыға қатысты қылмыстық іс қаралып, үкім шықты.

Айыпталушы 13 адам 2022 жылдың 5 қаңтарынан 6 қаңтарына қараған түні Тараз қаласында вандализммен айналысып, жаппай тәртіпсіздіктерге қатысқан.

​​Шартты түрде екі адам 4 жылға бас бостандығынан айрылып, қалған 11 адамның әрқайсысына 3 жыл 6 айға бас бостандығынан айыру жазасы тағайындалды.

Сотталғандар сот отырысы өткен соң босатылды.

Үкім заңды күшіне енген жоқ.

Авторы: Исламбек Дастан, Тараз