Қанды қаңтар: азаптау фактілері бойынша қылмыстық істер қозғалды
Қазақстанда қаңтар оқиғасынан кейін 170 азаптау фактісі бойынша қылмыстық іс қозғалды.
Қазақстанда қаңтар оқиғасынан кейін азаптау мен қызметтік өкілеттігін асыра пайдаланудың 170 фактісі бойынша қылмыстық іс қозғалды, деп сенбі күні ҚР Президентінің баспасөз қызметі хабарлады.
Қазақстан Президенті Қасым-Жомарт Тоқаевтың төрағалығымен Қауіпсіздік кеңесінің жедел отырысы өтіп, онда ұлттық қауіпсіздіктің бірқатар өзекті мәселелері қаралды. Бас прокурор Ғизат Нұрдәулетов қаңтар оқиғасы бойынша тергеу барысы туралы баяндады.
«Ұсталғандардан прокуратураға барлығы 305 арыз түсті. 62 арыз бойынша заң бұзушылықтар расталмады. Азаптау және қызметтік өкілеттігін асыра пайдаланудың 170 факті бойынша қылмыстық іс қозғалды» делінген хабарламада.
Бас прокурордың айтуынша, қазір 3024 қылмыстық іс тергелуде. Арнайы прокурорлар басқаратын ведомствоаралық тергеу тобы тәртіпсіздіктер мен лаңкестік әрекеттерге қатысты 177 істі қарайтын болады.
Прокуратураның мәліметінше, қамауда барлығы 779 адам отыр. Ұсталғандардың ішінде ұйымдасқан қылмыстық топтың 24 мүшесі бар,ал 113 адам кісі өлтіру, ұрлық, тонау бойынша отырып шыққандар.
«109 азаматтың жеке басын, денсаулық жағдайын және басқа да материалдарды зерделеп, қамауға алулар ешқайда кетпеу туралы жазбаша міндеттеме мен жеке кепілдікке ауыстырылды. Прокурорлар жаппай тәртіпсіздіктерге қатысқаны туралы айғақтардың жоқтығын ескеріп, тағы 103 адамды босатты. Ұсталғандарды азаптау туралы әрбір хабарлама мұқият тексеріледі» делінген хабарламада.
Прокурорлар адвокаттармен, құқық қорғаушылармен және Адам құқықтары жөніндегі уәкілмен байланыста екені атап өтілді. Оларды ұстау жағдайларын тексеру үшін тергеу абақтысына, уақытша және арнайы ұстау изоляторларына кіруге рұқсат берілді.
— Әрбір жағдайды егжей-тегжейлі зерттеп, бұлтартпас дәлелдер болған жағдайда ғана жауапкершілікке тартамыз, - деп келтіреді Нұрдәулетовтің баспасөз қызметі оның сөзін.
Отырыс қорытындысы бойынша Мемлекет басшысы мемлекеттік органдарға қаңтар оқиғасын жан-жақты тексеру, қамауға алынған азаматтардың құқықтарын қорғау, тергеу барысы туралы халықты дер кезінде хабардар ету жөнінде тапсырма берді.
Жаңалықтар
- Музейлер түні 2024: Алматы мен Астананың толық бағдарламасы
- Бішкекте шетелдіктермен төбелес болып, мыңдаған адам көшеге шықты
- Құлсарыда су тасқынынан зардап шеккен тұрғындар үшін 150 үйдің құрылысы басталады
- Бектенов Тоқаевқа су тасқыны зардаптарын жою туралы баяндады
- Жыл басынан бері мемлекет пайдаланылмай жатқан 645 мың гектар жерді қайтарды
- Өнеркәсіп министрі депутаттармен және белсенділермен қайта өңдеу төлемі мәселесін талқылады
- Тоқаев «Халықтың көші-қоны және қылмыстық-атқару жүйесі туралы» заңға қол қойды
- Атырау облысы Мақат ауданының әкімі Ринат Ибрагимов мәлімдеме жасады
- Қазақстанда теократиялық жүйе орнатқысы келген 8 адам сотталды
- Қазақ тілін және ел тарихын білмейтіндер Қазақстан азаматтығынан шығарылады
- «Медеу» табиғи саябағындағы 35 гектар болатын 10 жер телімі мемлекетке қайтарылды
- «ҚазАвтоЖол» жол бойындағы сервисті дамытуға шақырады
- «Қазақфильм» жобалары мемлекет қаражатының 95 пайызын өтемейді
- Маңғыстау облысының жаңа әкімі таныстырылды
- Құлсарылықтарға Қаржы министрлігі көмектесе ме?
- 350 мың доллар пара беруге итермелеп, он жылға бас бостандығынан айырылды
- Атырау облысының әкімі Шәпкенов төтенше жағдайларды жою жөніндегі штаб отырысын өткізді
- «Азаттық» тілшісіне қоқан-лоқы жасалды
- Бюджеттегі ысырапшылдық: 500 миллиард теңгеге жуық қаржы құрдымға кетті
- Полиция Жылыой әкімдігі алдында шатыр тігуге бөгет жасады