Қанат Айтбаев Димашты «қырғыз» дегендерге жауап берді
Димаш Құдайбергеннің әкесі Қанат Айтбаев Димашты «қырғыз» дегендерге қатысты өзінің әлеуметтік желідегі парақшасына жауап жазды. ORDA жазбаны қаз-қалпында жариялайды.
«Құдандалы, жекжатты болар кезде ғана айтылатын ру тармақтарын, өмір тарихын жариялы түрде баяндауға мәжбүр еткен «журналистерге» не дейін..», - деп қынжылады Қанат Айтбаев.
Дегенмен Қанат Айтбаев ата-бабасының кімнің-кімнен тарағанын, қай рудың қыздарын қалыңдыққа алғанына дейін түсіндірді:
«Әжем Рахиманың руы Әлімнің ішіндегі - Жақайым, оның ішінде - Быламық. Ол кісі бойжетіп, Жақайым руының ішіндегі Талпақ, Қырғыз руының жиені Төлеубай деген кісіге тұрмысқа шығады. Екеуі бірнеше бала сүйеді. Сөйтіп жүргенде отызыншы жылдардың аласапыраны басталады. Аштықтың кезінде Төлеубай атамыз өліп, әжеміз бала-шағасын аштан өліп қалмас үшін уақытша балалар үйіне өткізіп, аласапыран заманда олардан көз жазып қалады. Ауылда аман қалған үлкендер ақылдаса отырып, сүйенер тірегінен, бала-шағасынан тірідей айырылған қам көңіл Рахима әжемді Әлімге сіңген қырғыз руының ішіндегі Барақ, оның ішіндегі Тілеубайдан тарайтын, жұбайы қайтыс болған менің атам Айтбайға қосады. Жан-жақтағы ағайын-туыстың сүйемелдеуімен екі жарты бір бүтін болып, түтін түтетеді. Көп ұзамай өмірге менің әкем келеді. Анадай жағдайлардан кейін дүниеге келген бала тіпті тәтті көрінеді ғой, екеуі де: «Бізге бұл баланы Құдай берді...» десе керек. Сөйтіп, екі шаңырақтың өшкен отын тұтатқан сәбиге Құдайберген деген есім беріледі. Әкеміз 7-8 жасқа келгенде, тағы бір қуанышты жағдай болыпты. Әжемнің Төлеубайдан туған Аязбай деген ұлы аман табылады. Айтбай атам той жасап, бауырына басқан. Аязбай да мейірімді, елгезек бозбала екен, лезде атама бауыр басады. Менің әкем Құдайбергенді еркелетіп, ертіп жүреді екен.
Бір күні Айтбай атам аттан құлап, мертігеді. Дерті әбден меңдеп, өмірден озар алдында ұлы Аязбайды шақырып алып: «Балам, естияр жігіт болып қалдың, менің уақытым таяған сияқты, інің Құдайберген өзіңе аманат, ешқашан бөлінбеңдер, саған сендім...» деп үзіліп жүре беріпті. Кейінірек анасы да өмірден озыпты. Атамыз қайтқан кезде менің әкем Құдайберген бар болғаны тоғыз жаста екен. Әке аманатына берік Аязбай атамыз інісі Құдайбергенді жетелеп жүріп өсіріп, Барақтың Тілеубайынан, Жақайымның Талпағынан тарайтын барлық туыс, туғанның мейірімін бойына тең сіңіреді. Әкем Жақайым мен Барақтың ортақ баласы болып ер жетеді. Әскер қатарынан келген соң, ағасының ақ батасын алып әкем Алматы ауылшаруашылық институтына оқуға түседі.Оқып жүріп, Ақтөбенің Шалқар өңірінен келген, Әлімнің Шектісінен тарайтын Қабақтың қызы, менің анам Миуамен танысып, шаңырақ көтереді».
Екеуінен үш бала өрбідік - мен, әпкем Гүлзира, қарындасым Нұргүл. Мен 1993 жылы институт бітіріп, Әлімнің Шектісінен, оның ішінде Назар руының Бәшенінен тарайтын Ермекқызы Светамен шаңырақ көтердім. Аллаға шүкір, қазір екі ұлымыз, бір қызымыз бар, дейді әлемге танымал жұлдыздың әкесі.
Ата-анамысымен бірге бір шаңырақ астында тату-тәтті өмір сүріп жатқан танымал отбасына сөз келеді деп кім ойлаған? Алатаудың бауырын мекендеген қырғыз ұлтына қатысы жоқ екенін ашып жазған сүйікті әншіміздің әкесі қаңқу сөзге нүкте қойды.
Жаңалықтар
- Грузия парламентінде шетелдік агенттер туралы заңға қатысты төбелес болды
- Оңтүстік Корея Қазақстанның ұшқышсыз ұшақтар шығаратын орталыққа айналуына көмектеседі
- Шымкент мешіттерінің біріндегі намаз төбелеске ұласты
- Жыл басынан бері Қазақстанға төрт миллионнан астам шетелдік келген
- Қазақстан шетелдіктер үшін жаңа виза енгізбекші
- Бишімбаев үкімге шағымданады
- Жоғарғы сот депутат Дәулет Тұрлыхановтың ұлын жазалады
- Шымкентте 11-сынып оқушысы өз-өзіне қол жұмсады
- Алматыда автобус жүргізушісіне пышақпен шабуыл жасалды
- Қарағанды облысында шенеуніктер балалар жатақханасын иемденіп алған
- Жоғарғы сот депутат Тұрлыхановтың ұлының үкімін қайта қарайды
- Санкт-Петерборда суға батып кеткен автобустан адамдарды құтқаруға атсалысқан қазақстандық азамат марапатталды
- Қостанайда кәріз құдықтарының қақпақтарын ұрлағандар ұсталды
- Қызыл кітапқа енген қарақұйрықты атқан браконьер сотталды
- «Атамекен» Кәсіпкерлер палатасының бұрынғы басшысы Абылай Мырзахметов алаяқтық жасағаны үшін бес жылға сотталды
- Өскеменде айғақтарды бұрмалаған полицей сотталды
- Бішкек шенеуніктері автобуспен жүретін болады
- Атырау облысы, Талдыкөл ауылында халықты эвакуациялау басталды
- Кеңсе пышағымен адам бауыздамақшы болды: сот үкім шығарды
- Павлодар облысында педофил ұзақ мерзімге бас бостандығынан айырылды