Анасын көңілдесімен бірге ұстап алған: 7 жасар Милананың өліміне қатысты жантүршігерлік деректер белгілі болды
Павлодарда жеті жасар Милана Давыдованың өліміне қатысты сот отырысы басталды. Оның өліміне кінәлі ретінде Татьяна Давыдова мен оның сыбайласы Асқар Әбілдинов айыпталып жатыр.
Алдын ала сот отырысында прокурор Гүлмира Түлебаева қылмыстың егжей-тегжейі жазылған айыптау актісін оқыды.
Мемлекеттік айыптаушының айтуынша, қызды былтыр 17 қарашада Бесқауға ауылында өлтірген. Бұл күні Давыдовтар отбасының көршісі Асқар Әбілдинов бір бөтелке ішімдік алып, Татьянаға барған. Олар көңілдес болған.
«Олар жүйелі түрде ішумен бірге интимдік қарым-қатынас та орнатқан. Ер адам 2023 жылғы 17 қарашада пластик бөтелкедегі алкоголь сусынды алып, тағы да көршілерінің үйіне барған. Ол 12:30-да үйде Давыдовадан басқа ешкім болмайтынын жақсы білген, себебі күйеуі далада мал бағып жүрген, ал балалары мектепте болған»,деді прокурор.
Дәл үйдің дәлізінде ер адам мен әйел спирттік ішімдік ішіп, жыныстық қатынасқа түскен. Өкінішке қарай, жеті жасар Милана осы уақытта мектептен оралған. Ол өз анасын көңілдесімен ұстап алып, әкесіне айтамын деп қорқытқан. Осы сәтте Татьяна Давыдовада она өлтіру ниеті пайда болған.
«Ол өзінің қылмыстық ниетін жүзеге асырып, үйге жүгіріп кіріп, қызын кіреберісте қуып жетіп, оны ұрып-соққан. Дәлірек айтқанда, ол сол қолының жұдырығымен оның бетінен екі рет ұрған», - деді Түлебаева.
Сондай-ақ анасы баланы белдікпен ұрған, осыдан кейін қызы есінен танып қалған. Содан кейін көршісі іске кіріскен.
«Ол қылмыс қаруы ретінде белдікті қолданып, оны Давыдова Милананың мойнына салып, ілмек жасап, тұншықтырған» делінген қорытындыда.
Қылмысты Милананың інісі көріп тұрған, ол да осы кезде мектептен оралған. Бала есеңгіреп қалған.
Тергеу мәліметтерінше, кісі қолынан қаза тапқан қыздың денесі үйдің жанындағы металл цистернаның астына жасырылған.
Сол күні кешке анасы Милананың ауладан жүгіріп қашып кеткенін және оралмағанын хабарлаған. Оны полиция мен еріктілер, волонтерлік ұйымдар қосыла іздеді. 19 қарашада баланың мәйіті табылып, ал күдіктілердің анасы мен оның танысы екені белгілі болды.
Татьяна Давыдова мен Асқар Әбілдиновтың соты 8 сәуірде басталады, процесс ашық режимде өтеді.
Жаңалықтар
- Газадағы құрбандар саны 35,2 мыңнан асты
- «Қазақтелеком» АҚ 51 тарифтік жоспардың құнын көтереді
- Шымкент қаласыны әкімінің орынбасары Мақсұт Исахов пара бергені үшін 8 жылға сотталды.
- Швейцариялық Rolex компаниясы Қазақстанның Әділет министрлігін сотқа бермекші
- «Халыққа тезірек көмектесу үшін келіссөздер жүргізіп жатырмыз» - Нұрлан Смағұлов су тасқынынан зардап шеккен Батыс Қазақстан облысына келді
- Катар инвесторы 65 млрд теңгеге қазақстандық «Bereke bank-ты» сатып алды
- Иранның бірінші вице-президенті Мохаммад Мохбер сайлау күні белгіленгенге дейін мемлекет басшысы қызметін атқарады.
- Астанада үнсіз наразылық: «Зағиптар қоғамы» мемлекет қаржысын ұрлады деп отыр
- Сенат Төрағасы Түркия Ұлттық Мәжілісінің төрағасымен кездесті
- Мемлекет басшысы Ресейдің Сыртқы істер министрі Сергей Лавровты қабылдады
- Құлсарыдағы жағдай: су тасқынынан зардап шеккен тұрғын үйлерді бағалау осы аптада аяқталады
- Ақтөбеде полицей айып тұрағында тұрған көліктерді сатқан
- Тоқаев пен Путин алдағы айларда бірнеше кездесу өткізеді
- Алматы «Шұғыла» шағын ауданындағы заңсыз құрылыс тоқтатылды
- Құлсары тұрғынының жағдайы тұрақты
- «ҚазАвтоЖол» жол бойындағы сервисті дамытуға шақырады
- Иранда қаза тапқан президент үшін бес күндік аза тұту жарияланды
- Тоқаев Иран президентінің қайтыс болуына байланысты көңіл айтты
- Шымкент әкімінің бұрынғы орынбасары Мақсұт Исаховқа үкім шықты
- Алматыда жер сілкінді