«Анасын аяусыз сабады»: Қарағандының бұрынғы әкімінің ұлы 3 жылға сотталды

Қарағандының бұрынғы әкімі Шәймерден Оразалиннің ұлы 78 жастағы анасын аяусыз сабағаны үшін 3 жылға бас бостандығынан айырылды, деп хабарлайды Orda.kz.

Жас жігіт жанжал кезінде анасын ұрған. Содан әйелдің миы шайқалып,  мұрны мен қабырғасы сынған.

Әйел соққыдан соң 2 күн үйінде жатыпты. Ауруханаға барса соққыларды көріп, дәрігерлер полиция шақырады және ұлын ұстап әкетеді деп қорыққан. Көршілері үшінші күні әйелдің ауыр халін байқап жедел жәрдем шақырыпты. 

Қарағандының Қазыбек аудандық соты баспасөз қызметінің хабарлауынша, сот оны анасына моральдық шығын ретінде 1 миллион теңге төлеуге міндеттеді.

Соттың үкімі әлі заңды күшіне енген жоқ.