Әнару Жанқош Тұраровқа қатысты істі қайта ашқалы жатыр

Жақында полиция Қазақстандық боксшы Жанқош Тұраровқа қатысты тергеуді тоқтатқанын хабарлады. Биылғы тамызда ол спортшыны өзін зорлады деп айыптаған еді. Талапкер Әнару Құрманалиева соттың шешіміне шағымданбақшы, деп хабарлайды Orda.kz.

Құрманалиеваның адвокаты Ләззат Ахатова істің тоқтатылуы заңсыз екенін және бұл Жанқош Тұраровтың тергеу органдарындағы таныстарының арқасында болып жаатқанын айтты. Оның сөздеріне қарағанда, тергеушілер ресми тоқтату қаулысын шығармау арқылы шағым беруге кедергі келтірмек.

«Іс біздің хабарымызсыз тоқтатылды, біз мұны небәрі екі күн бұрын білдік. Енді тергеу органдары бізге сотқа шағым түсіруге кедергі келтіру үшін бізге тоқтату қаулысын бермей отыр. Біз Тұраровтың «крышасы» және тергеу тарапынан заңның бұзылуы туралы бірнеше рет айтқан болатынбыз. Біздің күдіктеріміз расталды. Полиция бұған дейін де Тұраровқа қатысты бірнеше істі тоқтатты. Олар істі бастапқыдан-ақ жасырып, Әнарудың аузын жабуға тырысты» деп жазды Ахатова. 

Еске сала кетсек, бұған дейін полиция «зорлау фактісі анықталмады» деп, Жанқош Тұраровқа қатысты қылмыстық іс тоқтатқан болатын.