«Анам сатып жіберді»: құлдықта болған малшы мен баласының ауыр тағдыры
Фото: Видеодан алынған кадр
Жамбыл облысында ер адам 14 жыл құлдықта болған. Қожайыны малшының баласын балалар үйіне өткізіп жіберген, деп хабарлайды Orda.kz «Көреміз» бағдарламасына сілтеме жасап.
Рая Алтынбекқызы күйеуінің інісі құлдықта болғанын айтты. Әжімұрат Жанболатов 14 жылдан кейін Байзақ ауданынан табылды. Мектеп оқымаған, хат танымайтын азамат жылдар бойы қожайынынан қорлық көрген.
«Ауыл-ауылды іздедік. Жоқ. Кімнің алып кеткенін білмейміз. Оны үйінен ұрлап алып кеткен. Қайным малшы болды. Әйелі, 2 баласы болды. Менің інімнің қол астында істеді. Мүмкін інім айлықты аз төлеген шығар. Қайнымды алып кеткен адам оны азғырады. Қайнымның ойы бұзылады. Кейін жаңағы адам түнде қайным мен оның 6 жастағы баласын алып кетеді. Сол кездері әйелімен ажырасып, балаларды да екіге бөлген», - деді әйел.
Рая Алтынбекқызы 6 жасар баланың қайда екенін білмей отыр. Айтуынша оны балалар үйіне өткізіп жіберген.
Студияға Әжімұрат Жанболатов та келді. Ол жылдар бойы қой баққанын алға тартты. Тіпті қожалық иесі күніне бір мезгіл ғана тамақ береді екен. Бастығының ұрғанын, жағасына жармасқанын да айтты.
«Мені Манатбек алдап алып кетті. Ақша беремін, үй алып беремін деп. Бірақ ешқандай ақша төлеген жоқ», - дейді ер адам.
Әжімұрат Жанболатов үйінен жанына ұлын ертіп кеткен. Бірақ сол бала із-түзсіз жоғалған.
Ал Манатбек Әжімұратқа баламдай қарадым деп отыр. Ол малшының баласын ешқашан көрмегенін айтты.
«Бала деген «бәле» жоқ. Болған да жоқ. Қара басы келді тек. Баланы көрген жоқпын», - дейді қожайыны.
Әжімұрат Жанболатов қой бақса, оның 6 жасар баласы сиыр соңына түскен. Кейін Әжімұрат баласын оқыту үшін қожалық иесіне өтініш жасайды. Манатбек баланы оқуға алып кеткен. Әкесі содан кейін ұлын көрмепті. 2006 жылғы Бауыржанды Манатбек балалар үйіне өткізген болып шықты. Кейін бала Жуалы білім орталығына орналасқан. Артынша туыстарына қайта барған. Бауыржан жылдар өте анасымен қауышқан. Бірақ анасы балаға немқұрайлы қараған. Тіпті анасының өзімен кеткен баланы да жоғалтып алғаны белгілі болды.
«Көреміз» редакциясы баланы тапты. Бауыржан қазір 18 жаста. Өз білімімен оқуға түскені белгілі болды. Студияда ол ата-анасын көріп, көзіне жас алды. Ол жас кезінде қожалық иесінен қорлық көргенін, оның қамшымен ұрғанын айтты.
Ол бағдарламада «анам мені сатып жіберді» деп сұмдық ақпараттың бетін ашты.
Жаңалықтар
- Айына 145 мың теңге алатын қазақстандықтар жеке табыс салығынан босатылады
- Құтқарушылар Атырау облысында қар құрсауынан екі адамды құтқарды
- Үлескерлердің ақшасын заңсыз тартқандар мен ТК жарнамалағандарға айыппұл айтарлықтай өсті
- Қарағандыда екі әйел есірткінің ірі партиясымен ұсталды
- Қазақстан шекаралық және логистикалық қызметтердің цифрлық форматын ұсынды
- 17 жастағы Заңғар Нұрланұлы AusOpen бастала салысымен тарихи нәтижеге жетті
- Рамзан Қадыров ұлының апатқа ұшырағанын жоққа шығарып, оған кезекті марапат берді
- «Ажырасып депрессияға шалдыққан»: Шымкентте әйел туған балаларын өлімші етіп сабап, денесіне үтік басқан
- Шегіне жеткен шиеленіс: ЕО Гренландияны сатуға қарсыларға Трамптың баж салығын енгізуіне бірлесіп жауап береді
- 2025 жылы Қазақстанда 8,7 мыңнан астам еңбек құқығы бұзылды
- Данияда АҚШ-қа қарсы жаппай наразылық шерулері өтіп жатыр
- Трамп Гренландия мен Арктикаға байланысты Еуропаға сауда тарифтерін енгіземін деп қоқан-лоқы жасады
- Ұлттық құрылтай 100 жылдан кейін Қызылордада өтеді
- Алматы әуежайында ауа райына байланысты рейстер кідіреді
- Алматыда түнгі клубтың аспазы есірткі саудасына қатысы бар деген күдікпен ұсталды
- Еліміздің Қарулы Күштері Бас штабының бастығы өзгерді
- Аида Балаева: жекеменшік мектептер білім сапасын төмендетті
- Алматы облысындағы күре жолдағы жол апатынан әйел адам қаза тапты
- НАТО-ның аралдағы тұрақты миссиясын барлайтын әскери топ Гренландияға келді
- Қазақстан —Қытай арақатынасы нығая түспек: Гуанчжоуда бас консулдық ашылды
