«Анам бір тостақ ұн үшін біреудің үйін тазалады»: Елдос Сметов анасын сөз еткендерге жауап берді

cover Фото: Olimpic.kz

Белгілі спортшы, Олимпиаданың 3 дүркін чемпионы Елдос Сметов «Түнгі студия» бағдарламасында басынан өткен қиын кездері туралы айтты, деп хабарлайды Orda.kz. 

Елдос Сметов балалық шағында қиыншылық көріп, нан алу үшін темір сатқанын айтты.

«Темірді даладан жинап, саттым. Нан алатынбыз. Біз ата-анамыздың тырысып, біз үшін еңбек етіп жүргенін көріп өстік», - деді спортшы. 

Ол чемпион атанғаннан кейін де қарапайым қалпын сақтағанын мәлімдеді.

“Ата-анамыздың біз үшін тырысып, еңбек еткені көз алдымда. Сол үшін мен тәкәппарланып, жұлдыз ауруымен ауырып жүре алмаймын. Әкем ауылдан қалаға кетіп, құрылыста жұмыс істеп келетін. Анам бір тостақ ұн үшін біреудің үйін тазалайтын. “ Қарным ашып тұр” десек, құшағына қысып, жылайтын. Жоқ болғаннан кейін бере алмады ғой. Сол сәттің бәрі кеше болғандай көз алдымда тұрады”, - деді Елдос Сметов.


Жаңалықтар

барлық жаңалықтар