Amnesty International Навальныйды «ар-ұждан тұтқыны» деп есептемейді. Оған не себеп болды?

Адам құқығын қорғайтын халықаралық ұйым Алексей Навальныйды «ар-ұждан тұтқыны» деп атаудан бас тартты. Бұл туралы Аарон Мате хабарлады.

New: @AmnestyUK withdraws designation of Navalny as a "prisoner of conscience." In email, Amnesty says it's "no longer able to consider Aleksei Navalny a prisoner of conscience given the fact that he advocated violence and discrimination and he has not retracted such statements." pic.twitter.com/E9m0e6lzT8

— Aaron Maté (@aaronjmate) February 23, 2021

Amnesty International ұйымының Шығыс Еуропа және Орталық Азия бойынша менеджері Александр Артемьев «Медиазона» басылымына берген сұхбатында:

– Навальныйдың 2000-жылдардың ортасында айтқан сөздерін зерттей келе, онда «жек көру риторикасы» табылды. Шешімнің негізі осы болды, деді.

Алайда Артемьев ресейлік оппозиционер нақты не дегенін айтпады.

Менеджердің айтуынша, ұйымға Алексей Навальныйдың сөзін тексеру туралы өтініштер көптеп түскен. Кімдер өтініш түсіргені белгісіз.

Еске салсақ, Ресейлік оппозиционер қаңтар айының ортасында Мәскеудің Внуково әуежайында ұсталып, бірден қамауға алынған. Сол кезде халықаралық ұйым «Ресей билігі Навальныйдың үнін тағы өшіруге тырысып жатыр» деп мәлімдеген.

Осыдан бір ай бұрын, 17 қаңтар Amnesty International Алексей Навальныйды «ар-ұждан тұтқыны» деп таныды.

«Медиазон» басылымының болжамы бойынша шағымның ар жағында Кремль қаржыландыратын Russia Today медиахолдингі тұр.