Американдық генерал Кеннет Маккензи Нұр-Сұлтан қаласына келді

Нұр-Сұлтан қаласына американдық генерал Кеннет Маккензи келді. Ол Қазақстан қорғаныс ведомствосының басшысы генерал-лейтенант Мұрат Бектановпен кездесті.

Бұл туралы Orda.kz хабарлайды.

Қорғаныс министрлігінің ақпаратына сәйкес, қос тарап Ауғанстандағы жағдай мен өңірлік қауіпсіздікті, сондай-ақ Қазақстан мен АҚШ арасындағы халықаралық әскери ынтымақтастықты, оның ішінде бітімгершілік қызмет шеңберіндегі мәселелерді талқылаған.

Кеннет Маккензи2019 жылдың наурыз айында CENTCOM-ны басқарды. Американдық генерал бұрын Ауғанстанда қызмет еткен, теңіз корпусына басшылық қызметте болған және Пентагондағы штабтар басшыларының Біріккен комитетінің төрағасы қызметін атқарған.

АҚШ Орталық қолбасшылығы (ағылш. United States Central Command; USCENTCOM немесе CENTCOM) - Орта Шығыс, Шығыс Африка және Орталық Азия өңірлерінде әскери іс-қимылдар болған жағдайда американдық әскерлердің операцияларын жоспарлауға және басқаруға жауап беретін АҚШ Қарулы күштері құрамындағы бірыңғай қолбасшылық.