Америкалық қазақтар Ақ үйдің алдына митингке шықты

Америкалық қазақтар бүгін АҚШ астанасы Вашингтондағы Ақ үйдің жанындағы алаңға Қазақстандағы жағдайға байланысты митингке шықты.

«Тоқаев, қуғын-сүргінді тоқтатыңыз», «саяси тұтқындарға бостандық», «Қазақстандағы адам құқықтарын құрметтеңіз», «бейбіт наразылықтарға еркіндік» – қазақ және ағылшын тілдеріндегі осындай ұрандармен демонстранттар Ақ үй алдында бірнеше сағат бойы тұрды.

Митингте Қазақ-Америка қауымдастығының белсенділері Олжас Шайкен, Дәрмен Даменов, сондай-ақ «Free Kazakhs» ( Еркін Қазақтар) американдық жастар партиясының белсенділері сөз сөйледі. Жиналғандардың арасында Қытайдағы қазақтар мен түркі халықтарының құқықтары жөніндегі белсенді Серікжан Біләш та болды.