Америка азаматы алматылық әйелдің 3 жастағы баласын тартып алмақ

Алматыда америкалық азамат мен оның қазақстандық әйелі арасында дау туды. Олар ажырасқаннан кейін 3 жасар баласын бөлісе алмай әлек, деп хабарлайды Orda.kz. 

Алдын ала мәлімет бойынша, бұрынғы ерлі-зайыпты балаларының қайда тұратыны жөнінде ортақ шешімге келе алмай сотқа жүгінген. Америкада тұратын әкесі ұлын қайтаруды талап етіп отыр. Ал алматылық ана баланы өзіне қалдырғысы келеді.

Сана Онаева университеттен кейін Американың құқықтық жүйесін зерттеу үшін сол елде білімін жалғастыруды ұйғарған. Кейін АҚШ азаматымен көңіл қосыпты. Алайда ажырасқаннан кейін ұлын алып, Қазақстанға оралған. Бұған дейін америкалық сот баланың әкесімен тұруы қажет деген шешім шығарған. Бірақ анасына ұлын уақытша Қазақстанға алып кетуге рұқсат еткен. Алайда ол бұл мерзім аяқталған соң, АҚШ-қа оралудан бас тартып отыр. Әйел баласынан айырылып қалулан қорқады. 

Алматы қаласының алғашқы сот инстанциясы шешімді ананың пайдасына шығарды. Алайда ювеналды сот баланы әкесіне қайтару туралы үкім шығарды. Онаеваның қорғаушылары сот барысында судья тек америкалық заңдарға сүйеніп отыр дейді.