Қамауға алынған ПМХЗ бас директорының ұлы Тоқаеқа видеоүндеу жасады

Павлодар мұнай химиялық зауытының бас директоры Оспанбек Әлсейітов қаражатты оңды-солды пайдаланды деген күдікке ілініп қамауға алынған. Оның ұлы Сұлтан Оспанбек президент Қасым-Жомарт Тоқаевқа үндеу жасап әкесінің екі айға қамауға алынғанын айтқан.

Сұлтан Оспанбектің видеоүндеуін желідегі парақшасына жүктеді.

«Тергеу нұсқасы бойынша, әкемді 2018 жылдың 3 қаңтар күні «Ертіс Мұнай Сервис» компаниясымен бірлесіп қоспаларды жеткізу үшін бас директор атынан келісімшартқа қол қойды деп айыптап отыр. Ол бұл қызметке 2017 жылдың 22 желтоқсанында келген еді. Тендерлік шаралар мен шешімдер 2016 жыл мен 2017 жылдың желтоқсаны аралығында қабылданған, ол кезде әкем «ҚазМұнайГаз» компаниясында департамент директоры болып жұмыс істеген. Біз тағылған айыптың барлық дәлелдерін келтірдік, бірақ Экономикалық тергеу басқармасының тергеушісі Асылхан Асан оларды елемейді. Ол бұны Ақордадан түскен бұйрық деп отыр. Тергеушінің айтуынша, барлығына себеп мұнай-газ саласымен айналысу туралы жоғарыдан келген бұйрық» деп түсіндірді Сұлтан Оспанбек.

Сұлтан Оспанбек әкесі кінәлі емес екенін айтып, президенттен Оспанбек Әлсейітовтың абыройы мен қадір-қасиетін қалпына келтіру үшін барлық қажетті шараларды қабылдауды сұрады.

Естеріңізге сала кетейік, ПМХЗ бас директоры мен Павлодар облыстық мәслихатының депутаты Оспанбек Әлсейітовтың ұсталғаны туралы 8 ақпанда әлеуметтік желілерде ресми түрде хабарланған болатын. Алайда, облыстық экономикалық тергеу департаменті БАҚ-тың көптеген сұрауларына қарамастан, әлі күнге дейін ресми ақпарат берген жоқ.