Amanat партиясының депутаты Зеленскийге Қырымның орнына, Түркияға шабуыл жасауды ұсынды

Алматы қаласы мәслихатының VIII шақырылымындағы «Аманат» партиясынан сайланған депутаты Анна Башинская Украина президенті Владимир Зеленскийге Қырымның орнына, Түркияға шабуыл жасауды ұсынды.

Бұл туралы ҚазТАГ хабарлайды.

«Түркия тартымдырақ, Зеленский мырза! Ол жерде жыл бойы жылы» деп жазды Башинская Facebook-тегі Deutsche Welle парақшасындағы жазбаның астына.

Мақалада Зеленскийдің аннексияланған Қырымды Украинаның бақылауына қайтаруын көздейтін қарсы шабуыл жоспарлап отырғаны айтылған. Президент Yle арнасына берген сұхбатында Украинаның табысы негізінен Батыстың Киевке қару-жарақ жеткізуді жалғастыра беруіне байланысты екенін атап өтті. Ол сондай-ақ жетістіктерге деген үмітке қарамастан, соғыс жылдарға, тіпті ондаған жылдарға созылуы мүмкін екенін айтты.

Желі қолданушылар Башинскаяның Қазақстан азаматы бола тұра, басқа елдің президентіне ұсыныс жасайтынына таң қалды.