«Аманат» партиясынан депутаттыққа кандидат сайлаудан бас тартты

«Аманат» партиясынан Алматы қаласы мәслихаты депутаттығына үміткер Махаббат Есен кірісі туралы декларацияны толық ұсынбағаны үшін сайлаудан бас тартты.

Есен бір сценарийдің қосымша авторы екенін көрсетпеген болып шықты.

«Мен бұл туралы соңғы уақытқа дейін ештеңе білмедім. Мен бұл жаңалықты толық құптаймын, сайлауға қатысудың заңдары мен ережелері жұмыс істеп жатқанына қуаныштымын және бұл жаңа, әділ Қазақстанға үміт ұялатады. Әрине, депутат болмасам  белсенді өмірлік ұстанымы бар адам болып, елімізге пайдалы болуға тырысамын» деп жазды Махаббат Есен әлеуметтік желіде.

Махаббат Есен – журналист, БАҚ үздігі, Қазақстан Республикасы Президенті жанындағы Мемлекеттік басқару академиясының доценті, «Аманат» партиясы Саяси бюросының мүшесі.

Бұған дейін Қазақстан Республикасының Демократиялық партиясын қолдайтын екі депутаттық кандидаттың сайлаудан шеттетілгені белгілі болған еді.