Ғалымдар омикрон штамының суретін жариялады

Гонконг университеті электронды микроскоптың көмегімен алынған коронавирустың омикрон штамының суретін жариялады.

Медицина факультетінің ғалымдары, соның ішінде патология және вирусология саласындағы мамандар SARS-CoV-2 омикрон штамын жұқтырған маймылдың бүйрек жасушасының электронды микросуретін түсіре алды.

Зерттеушілер ұлғайту кезінде микросуретте кішкентай қара вирустық бөлшектері бар ісінген, зақымданған жасушалар көрсетілгенін айтады. Жоғары үлкейтілген фотосуретте бетінде тәж тәрізді ұштары бар вирустық бөлшектер көрсетілген.

26 қарашада Израильде адам бойында алғаш рет коронавирустың жаңа штамы омикрон табылды, бүкіл әлем ғалымдары бірден дабыл қақты. Олардың пікірінше, омикрон таралу жылдамдығына байланысты үлкен қауіп төндіруі мүмкін. Ғалымдардың айтуынша, ол 50-ге жуық мутацияға ие. Салыстыру үшін айтсақ, дельта штамында тек 13 мутация болды.