Ғалымдар 2010 жылғы үлгілерден коронавирусқа ұқсас патоген тапты

Коронавирустың географиялық таралуы бұрын ойлағаннан кең болуы мүмкін. Себебі ғалымдар коронавирусқа ұқсас патогенді 2010 жылғы үлгілерден де тапты, деп хабарлайды ORDA.

Камбоджа ғалымдары құрылымы бойынша SARS-CoV-2 коронавирусына 92% ұқсас патоген тапты. Ол зертханада 2010 жылдан бері сақталған үлгілерден табылды, деп хабарлайды South China Morning Post.

Қоздырғыш 2010 жылдың желтоқсанында Шамель жылқы жарғанаттарынан алынған сынамасынан табылған.

Коронавирусты зерттеу үшін Пномпеньдегі Пастер институты зертханасының ғалымдары 2010 жылы Камбоджаның солтүстік-шығысындағы жарқанаттардан сынама алды. Тәжірибелер арқылы мамандар үлгілердегі екі вирустың COVID-19 қоздырғышын тудыратын SARS-CoV-2-ге 92,6%-ға ұқсас екенін білді.

Ғалымдардың тұжырымдамасы коронавирустың географиялық таралуы бұрын ойлағаннан гөрі кең екендігін көрсетуі мүмкін. Сондай-ақ, әлемде ешкім SARS-CoV-2 вирусына жақын патогендік сынаманы Қытайдан тыс жерде таба алмағанын айта кеткен жөн.

Біріншісі, ресми мәліметтер бойынша, коронавирус індеті 2019 жылдың соңында Қытайдың Ухань қаласында тіркелген.

2020 жылдың тамызында американдық вирусологтар Джонатан Латхэм мен Эллисон Уилсон COVID-19-ға ұқсас вирус 2012 жылы анықталғанын, оның ішінде үш кеншінің қайтыс болып, алты кенші белгісіз ауруға шалдыққаны туралы материал жариялаған. Зардап шегушілерден коронавирустың белгілері табылғанын ескеру керек.

ДДСҰ коронавирустық инфекцияның көзін Уханьнан іздеу керек деп санайды. Алайда Қытайдың сыртқы істер министрлігі аурудың шығу тегі туралы өз нұсқасын берді.