«Алтын Орда» базарының маңындағы жолдың қашан ашылатыны белгілі болды

Алматы іргесіндегі «Алтын Орда» базары маңындағы жолды күрделі жөндеу және кеңейту жұмыстары 90 пайызға аяқталды.

«Тағы бір маңызды жоба – Алматыдағы «Алтын Орда» базарының маңындағы жолды күрделі жөндеу және кеңейту жобасы. Бүгінгі таңда барлық жұмыстардың 90 пайызға жуығы орындалды. Келісімшарт бойынша бұл жоба 1 қарашада аяқталады. Бірақ біз жұмысты күшейттік. Бас мердігер қазір қыркүйек айында негізгі тас жолды аяқтау және көлік қозғалысын ашу үшін барлық қажетті резервтерді қосуда» деді «ҚазАвтоЖол» ҰК» АҚ басқарма төрағасы Мейірхат Қасымбаев.

Еске салсақ, бұған дейін Алматы облысындағы «Алтын Орда» базары маңындағы жаңа көпірде шұңқырлар пайда болғаны хабарланған болатын. Нысан өткен жылдың желтоқсан айының соңында пайдалануға берілген.