«Алтын Орда» базарына түнде бетперде киген адамдар келді

13 шілдеде түн ортасынан кейін базар аумағына белгісіз біреулер келді. Олар әзірге келгендегі мақсаты туралы айтқан жоқ.

Бұл туралы Orda.kz тілшісі хабарлайды.

Orda.kz тілшісі қазір төңірегінде көптен бері сот ісі көбейген елдегі ең үлкен көтерме сауда базарында. Базар аумағында белгісіз біреулер пайда болды, олардың кейбірі бетперде киген. Олар осылай келулерінің себебін әлі айтқан жоқ.

Бірақ редакцияда 5 шілдеде «Алтын Орда» әмбебап сауда кешені жалға беру шарты бойынша «Үлкен қала базары» ЖШС-нің қарамағына өткені туралы хат бар. Бұл компания қазіргі таңда нарықта «Qamqor Quzet» ЖШС-мен күзет қызметін көрсету туралы келісім-шартқа отырған.

«Altyn Orda New Company» ЖШС-нің бөлім басшылары мен аға бақылаушыларына компанияның «Алтын Орда» базарындағы қызметін тоқтатқаны туралы хабарлаймыз, заңсыз кәсіпкерлік қызметі мен озбырлық үшін қылмыстық жауапкершілікке тартылатынын ескертеміз» делінген хатта.

Бұрынғы жалға алушыларға 13 шілдеден бастап қылмыстық жауапкершілікке қауіп төндіретін кез келген әрекетке тыйым салынады және барлық ғимараттарды жеке заттары мен құжаттардан босатуды сұрайды.

11 шілдеде базар әкімшілігі рейдерлердің басып алу әрекеті туралы хабарлады. Елдегі ең үлкен базардағы жанжал өткен айда базарға белгісіз ер адамдар келіп, аумақты күзетуге өз қыметтерін ұсынған кезде басталды. Белгісіз адам құжаттарын көрсетпей, тіпті қорқытқаны да айтылды. Прокуратура ешқандай рейдерлік басып алу туралы әңгіме жоқ деп сендіреді. Тексеріс барысында базарда заңбұзушылықтар анықталды, сондықтан нақты иесі жалға алушы компаниямен келісімшартты бұзуды ұйғарған. Соған қарамастан полицейлер «озбырлық» бабы бойынша тергеу бастады.