«Алтын Орда» базары директорының орынбасары ұсталды

Ұсталған адам отырған көліктен тәртіп сақшылары ақ ұнтақ, травматикалық қару мен оқ өтпейтін кеудеше тапты.

«Ағымдағы жылдың 2 маусымында Қарасай аудандық ІІБ-нің кезекші бөліміне Абай ауылында BMW автокөлігінде қаруланған адамдар бар екені туралы хабарлама келіп түскен. Жедел іздестіру шаралары аясында Е.Марқабаев («Алтын Орда» директорының орынбасары) және С.Потапов (күзетші) мінген  А.Тұяқов тізгіндеген BMW X7 (мемлекеттік нөмірі 700WWL02) автокөлігі ұсталды» делінген хабарламада.

Аталған факті бойынша ауданның Полиция басқармасында  «Қаруды, оқ-дәрілерді, жарылғыш заттарды және жарылғыш құрылғыларды заңсыз алу, беру, өткізу, сақтау, тасымалдау немесе алып жүру»  бойынша сотқа дейінгі тергеу басталды.

Қазіргі уақытта істің барлық мән-жайын анықтау үшін қажетті тергеу амалдары жүргізілуде.