«Алтын доп» жүлдесінің басты фавориті анықталды

2025/2026 жылғы маусым қорытындысы бойынша «Алтын доп» жүлдесін жеңіп алуға ең басты үміткер – «Бавария» мен Англия құрамасының шабуылшысы Гарри Кейн. Букмекерлердің қазіргі коэффициенттеріне сәйкес, оның беделді марапатты иелену ықтималдығы 40 пайыз деп бағаланған.

2026 жылғы әлем чемпионатынан кейін рейтингте екінші орынға Испания құрамасы мен «Барселонаның» жас жұлдызы Ламин Ямаль көтерілді. Әлем чемпионы атанғаннан кейін оның «Алтын допты» жеңіп алу мүмкіндігі 33 пайызға жеткен.

Үшінші орында – Испания құрамасы мен «Манчестер Ситидің» жартылай қорғаушысы Родри. Оның мүмкіндігі 22 пайыз деп бағаланған.

2026 жылғы «Алтын доптың» басты фавориттері:

• Гарри Кейн («Бавария», Англия) – 40%
• Ламин Ямаль («Барселона», Испания) – 33%
• Родри («Манчестер Сити», Испания) – 22%
• Килиан Мбаппе («Реал Мадрид», Франция) – 17%
• Лионель Месси («Интер Майами», Аргентина) – 9%

Биыл «Алтын доп» марапаты 26 қазанда Лондонда табысталады. Биылғы салтанатты рәсімнің ерекшелігі – әлемдегі ең беделді жеке футбол жүлдесінің 70 жылдық мерейтойына арналмақ.