Алты жасар қызды иттер талап өлтірді

Алған жарақаттардан сәби оқиға орнында көз жұмды.

Сәтбаев қаласының полиция бөліміне 15 қараша күні сағат 17:00 шамасында «жедел жәрдем» дәрігерлерінен жануарлардың тістеген іздері бар 6 жасар қыздың мәйіті табылғаны туралы хабарлама келіп түсті. Жедел-жәрдем қызметкерлері барғанша таланған қыз оқиға орнында көз жұмған. Жедел-тергеу тобы жәбірленушінің ата-анасымен бірге саяжай қоғамының бір үйінде тұрғанын анықтады. Тергеу барысында ересектер жас жеткіншектің ойнап жүргенін баяндаған. Өкінішке орай, қыз иттердің арасында жалғыз қалып қойған.

 «Қайғылы өлім фактісі бойынша қылмыстық іс тіркелді. Тиісті сараптамалар тағайындалды. Мән-жайлар анықталуда. Полицейлер баланың ата-анасын жауапкершілікке тарту мәселесін шешуде. Иттерді аулау бойынша тиісті ветеринарлық қызметтерге нұсқама жолданды», - деп хабарлады Қарағанды облысы ПД баспасөз қызметі.