Алтай Көлгінов басқаратын мемлекеттік комиссия таратылды

ҚР Премьер-министрі Олжас Бектенов Астананың бұрынғы әкімі Алтай Көлгінов басқарған Ұлттық Ғылым академиясын қайта құру жөніндегі мемлекеттік комиссияны таратуға бұйрық берді.

Тиісті үкімге Үкімет басшысы 16 шілдеде қол қойып, ақпараттық-құқықтық жүйенің ресми сайтында жарияланды.

"ҚР Премьер-Министрінің 2022 жылғы 9 қарашадағы № 180-р үкімімен құрылған Қазақстан Республикасының Ұлттық Ғылым академиясын қайта ұйымдастыру жөніндегі мемлекеттік комиссия жойылсын" делінген құжатта.

Бұл комиссия ҚР Ұлттық Ғылым академиясын қайта құру мақсатында құрылды және оның төрағасы болып Алтай Көлгінов тағайындалды.

Естеріңізге сала кетейік, 2024 жылдың наурыз айында Алтай Көлгінов жаңа лауазымға ие болды.