Алматының тоғыз тұрғыны үйдегі өрттен құтқарылды

31 наурызда Алматының Түрксіб ауданында үш қабатты тұрғын үйдің бірінші қабатында өрт шықты.

Шақыру орнына жеткен өрт сөндірушілер дереу қажетті шараларды қабылдады. Бес адам баспалдақпен төменге түсірілді. Тағы үш тұрғын екінші қабаттан үш аяқты баспалдақ арқылы құтқарылды.

ӨСБ-4 бөлімінің командирі Фархат Ушуров жанып жатқан пәтерден 1-топтағы мүгедек ер адамды аман алып шықты.

«Өрт 08:47-де сөндірілді. Өрт аумағы 25 шаршы метр. Төтенше жағдайлар министрлігі өрт қауіпсіздігі ережелерін сақтауды талап етеді. Өзіңізге және жақындарыңызға қамқорлық жасаңыз - біз үшін әрбір өмір маңызды!» деп хабарлады Төтенше жағдайлар министрлігінің баспасөз қызметі.