Алматының Медеу ауданында алапат өрт шықты

Медеу ауданындағы Жәнібеков көшесінде салынып жатқан үй өртенді, деп хабарлады Orda.kz.

Алматы қалалық төтенше жағдай департаментінің мәліметінше екі қабатты үйдің шатыры өртенген. Қазіргі таңда, өрт сөндіріліп, өрт себебін анықтау жұмыстары жалғасуда.

Өрт сөндірушілер көрші үйлерді өрттен аман алып қалды.

Өрт орнында өртті зерттеу сынақ зертханасының және төтенше жағдайлар департаментінің тергеу бөлімінің қызметкерлері жұмыс істеп жатыр.