Алматының баланы тұншықтырған «Ахляк» балабақшасынан ата-аналар балаларын жаппай алып кетуде

Алматының «Ахляк» балабақшасында тәрбиешінің баланы тұншықтырғаны бейнебақылау камерасына түсіп қалған, деп хабарлайды Orda.kz.

Алматы қаласының «Ахляк»балабақшасының бейнебақылауына тәрбиеші төрт жасар баланы тұншықтырып, ұрып-соғып, жан-жаққа жұлқылап жатқаны жазылып қалған. Бөлмеде тағы екі қызметкер болған, бірақ олар араласпай, өз істерімен айналыса берген.

Баланың анасы Бану Төлеуішеваның хабарлауынша, баланы бір апта бұрын ғана «Ахляк» балабақшасына ауыстырған. Балабақшаға барып бейнебақылау камералын көреміз дегенде, қызметкерлері камералар істемейді деп көрсетуден жалтарған. 

«12.02.25 балам  “мама, апай мені ұрды, жұлқылады” деп қолымен қалай болғанын көрсетіп айтты, бірақ мен мән бермедім. Келесі күні “мама, мені апай тұншықтырды” деп  айтқаннан кейін ғана әкесі екеуміз балабақшаға бардық, не болғанын сұрап, камераны көрсетуді талап еттік, басында камера істемейді деп ұзақ көрсетпеуге тырысты, полиция шақырамыз дегенде ғана қорыққандарынан камераны көрсетті. Видеода баламды 10 минут бойы қайта қайта тұншықтырып, мойнын қысып, аузы мен мұрынды жауып тұрғанын көрдік” деп жазды баланың анасы.

Бейнекамерадан екі күн ішінде екі түрлі апайдың ұрып, тұншықтырғаны белгілі болды.

«Ахляк» балабақшасы туралы не белгілі?

«Ахляк» араб тілінен «мораль», «этика» және «тәрбие» деп аударылады.

Бұл діни бағыттағы балабақшалардың Алматыда бірнеше филиалы бар. Олар жеке меншік болғандықтан, иелері өздері қалаған бағытта ашуға құқылы.

Болған оқиғаға пікір білдіріп, түсіндірудің орнына, балабақша өздерінің Instagram парақшаларын жауып тастады.

Сондай-ақ, «Ахляк» балабақшасы тәрбиешілерді оқытумен айналысады.