Алматының жаңа бас дәрігері болып Қарлығаш Әбдіжаббарова тағайындалды

12 қаңтардан бастап Алматы қалалық санитарлық-эпидемиологиялық бақылау департаменті басшысының міндетін атқарушы Қарлығаш Әбдіжаббарова Алматы қаласының бас мемлекеттік санитарлық дәрігері болып тағайындалды.

5 қаңтардан бастап Әбдіжаббарова СЭС бөлімінің бастығы қызметін уақытша атқарды. Бұған дейін бұл бөлімді Жандарбек Бекшин басқарған. Ол зейнетке шықты.

Еске салсақ, желтоқсан айының соңында Сыбайлас жемқорлыққа қарсы қызмет ауыл шаруашылығы басқармасынан бірнеше жыл бұрын бөлінген субсидияларды ұрлау фактісі бойынша қылмыстық іс тергеліп жатқанын хабарлады. Құқық қорғау органы Қарлығаш ханымның іс бойынша айыпталушылардың бірі екенін атап өтті. Қарлығаш Әбдіжаббарова да тергеу органдарына жауап беруге баратынын растады.