Алматының «Самал» ықшамауданында қару-жарақ табылды (видео)

Алматының  қала әкімшілігіне жақын орналасқан «Самал» ықшамауданында қару-жарақ арсеналы табылды.

Жедел іс-шараларды жүргізу барысында Алматы қаласындағы «Самал» ықшамауданы маңында,  Мемлекеттік мұражайдың жанынан травматикалық қарулар мен гранаталар тәркіленді. 

Жақын жердегі қоқыс жәшігінен патрондар табылды: 12 калибрлі – 19 дана, 7,62 калибрлі – 7 дана, 5,45 калибрлі – 4 дана. Оқ-дәрілердің тиесілігі тексеру барысында анықталады.

Полициядан хабарлағандай, іздеу шараларына қызметтік-іздеуші иттер қатыстырылған.  

«Жедел іс-шараларды жүргізу барысында «Самал» ықшамауданында Мемлекеттік мұражайдың жанынан қызметтік-іздеуші ит қару-жарақ қоймасын тапты. Жасырылған жерден травматикалық қарулар мен гранаталар тәркіленді. Жақын жердегі қоқыс жәшігінен патрондар табылды: 12 калибрлі – 19 дана, 7,62 калибрлі – 7 дана, 5,45 калибрлі – 4 дана. Оқ-дәрілердің кімге тиесілі екені тексеру барысында анықталады – деді Медеу аудандық Полиция басқармасының бастығы Дәурен Өтебаев.