Алматының кәсіпкерлер қоғамдастығы карантинге байланысты мемлекеттен 2 млрд теңге талап етті

Карантинді ұзарту салдарынан бизнесі зардап шеккен кәсіпкерлер мемлекеттен қызметкерлерге жалақы төлеу үшін күніне екі миллиард теңге талап етті. Алматы Кәсіпкерлер палатасы Өңірлік кеңесінің төрағасы Максим Барышев Алматының бизнес-қоғамдастығы атынан осындай мәлімдеме жасады.

Ақпарат Азаттық Радиосында жарияланды, деп хабарлайды Orda.kz.

— Тыйым салу және шектеу кезеңінде жұмысшылардың жалақысы мен жалдау ақысын және несиенің бір бөлігін төлеу үшін [кәсіпкерлерді] бюджеттен тікелей қаржыландыру керек. Жұмыссыз тұрған әр күн үшін қаржы бөлінуі тиіс. Қазір 50 мыңға жуық компания мен жеке кәсіпкер шектеуге ұшырады. Бұл – 250 мың қызметкер. Бұл – тек еңбекақы мен жалдау ақысы. Бизнесмендер ұжымды және жалдау орнын сақтап, мүмкіндік берілгенде қайта жұмысқа шығуға дайын. Бірақ қазір бюджеттен ешқандай төлем қарастырылмаған, – деді Барышев.

Спикер Алматының бас санитарлық дәрігерінің шешімдеріне қатысты да сұрақтар көтерді.

— Екі миллиард — үлкен сома. Бұл қаржыға Бекшин мырза бизнесті шектейді. Бизнес тек мемлекеттің қаржыландыруымен ғана аман қала алады. Бұл мәселені бірге шешейік. Егер бұл қолдау болмаса, Бекшинге сұрақ: локдаун кезінде 250 мың азамат не істеуі керек? Әрі қарай қалай күн көруі керек?

Екі миллионға жуық халқы бар Алматы 10 наурыздан бастап коронавирустың таралу қарқыны бойынша «қызыл» аймақта. Өткен тәулікте қала бойынша 415 адамда COVID-19 анықталды.

27 наурызда Бекшин Алматыда карантиндік шектеулерді 12 сәуірге дейін ұзартты. Бұл шектеулер 21 наурыздан бастап күшіне еніп, кәсіпкерлер арасында алаңдаушылық пен наразылық тудыруда.