Алматы айналасына бақылау бекеттері қойыла ма?

Алматының бас санитарлық дәрігері Жандарбек Бекшин Алматының айналасында бақылау бекеттері қойылмайтынын айтты, деп хабарлайды ORDA.

Ол қоғамдық көліктердің штаттық режимде жұмыс істейтінін қосты.

Бірінші ақпаннан бастап оңтүстік астанада карантиндік шаралар күшейтіледі. Кинотеатрлар мен театрлар жабылады, базарлар мен қоғамдық тамақтану орындарына шектеу қойылады, сауда және ойын-сауық орталықтары демалыс күндері жұмысын тоқтатады.

Бұған дейін Шығыс Қазақстан облысында бас санитарлық дәрігердің 2021 жылдың 25 қаңтарынан 7 ақпанына дейін ерекше жағдайлармен шектеу шаралары туралы жаңа қаулысы шыққан болатын. Құжатқа сәйкес облыста санитарлық бақылау бекеттері қайта құрылды.

Бекшин атап өткендей, сақтық шаралардың енгізілуі аурудың жоғарылауымен және «қызыл аймаққа» енумен байланысты.

Сондай-ақ, оның айтуынша, алматылықтардың 40% -ы сауда және ойын-сауық орталықтарында, кафелер мен мейрамханаларда коронавирус жұқтырған.