Алматылықтарға жоқ пәтерлерді сатып алу ұсынылды

Ғаламторда құрылыс салушы «Қарағайлы құрылыс» ЖШС-нің Graff премиум-класс тұрғын үй кешеніндегі пәтерлерді сату туралы хабарландырулар таратылды.

Алматы әкімдігі азаматтарға элиталық тұрғын үй кешенінен пәтерлерді тиісті құжаттарсыз сатып алуды ұсынып отырған құрылыс салушы «Қарағайлы құрылыс» ЖШС туралы ескертті.

«Құрылыс салушы «Қарағайлы құрылыс» ЖШС  қолма-қол ақшадан ипотекалық несиеге дейінгі сатып алудың түрлі нұсқаларын ұсынады. Алайда, тұрғын үй кешенінің  жоба алдындағы құжаттамалары жоқ, авторлық және техникалық қадағалау жүргізілмеген, жер телімінің нысаналы мақсаты «жеке қосалқы шаруашылық жүргізу үшін» делінген әкімдіктің Telegram-каналында.

Шенеуніктер тұрғындарға жылжымайтын мүлік сатып алмас бұрын салынып жатқан тұрғын үй кешендерінің толық құжаттар пакетін тексеру қажеттігін ескертті.

Ол үшін Алматы қаласы құрылысын бақылау департаментінің сенім телефонына +7 (727) 229 81 36 хабарласу қажет.

Айтпақшы, бұл мегаполистегі мифтік тұрғын үйге қатысты бірінші жағдай емес. Желтоқсан айының басында полицейлер жоқ пәтерлерді жалға берді деген күдікпен 18 жастағы жасөспірімді ұстады. Тәртіп сақшылары оның басқа да қылмыстарға қатысы бар-жоғын тексеріп жатыр.