Алматылықтар университет маңында жаппай төбелес шығарды

Желіде Алматы университетінің жатақханасы маңында болған жаппай төбелестің видеосы пайда болды.

Бұл туралы Qumash Telegram арнасында хабарланды.

Қалалық ПД мәліметінше, 23 ақпан күні сағат 23.00 шамасында Бостандық ауданында жастар арасында төбелес шыққан.

Дабылға бірден бірнеше патрульдік полиция экипажы ден қойып, нәтижесінде төбелеске қатысуы мүмкін 11 адам ұсталды.

Бұзақылық фактісі бойынша ҚР ҚК 293-бабының 2-бөлігімен сотқа дейінгі тергеу амалдары басталды.

Қақтығыстың басқа мән-жайлары анықталып жатыр.