Алматылықтарды ер адамның инсульт алған әйелін қинап жаттығу жасатқаны шошытты

Алматыда егде жастағы ер адам инсульт алған әйелін спорт алаңында жаттығу жасауға мәжбүрлеген, деп хабарлайды Orda.kz.

Әлеуметтік желіде тараған бейнежазбада ер адамның әйелін жаттығу жасауға мәжбүрлеп жатқаны айтылады.

«Бұл көрініс күн сайын қайталанады», – деп жазылған видеоға қоса берілген жазбада.

Сондай-ақ, әйелдің инсульт алғаны туралы да ақпарат тараған.

Алматы қалалық Полиция департаменті бұл оқиға бойынша «102» пультіне ешқандай шағым түспегенін хабарлады. Алайда, тексеру жүргізіліп, жағдай анықталатын болады.