Алматылықтар өртке оранған полигоннан келген көк түтіннің иісіне шағымданды

Өртке оранған полигонның көк түтіні Алматы қаласына жетті, деп хабарлайды Orda.kz.

Алматы облысындағы қоқыс полигонында кеше таңертең басталған өрт әлі күнге дейін сөндірілген жоқ. Полигоннан келген көк түтіннің иісі қаланың оңтүстік аудандарына жайылды.

«Өрт ошақтары жер астында, кей жерлерде 10 метр тереңдікке дейін таралған. Сондықтан түтін толық жойылмай тұр. Бұдан бөлек, полигонның үстіңгі қабаты тұрақсыз, кей жерде опырылу қаупі бар. Бұл ауыр техниканың қозғалысын шектеп отыр», — дейді мамандар.

Соған қарамастан, ведомство жақын маңдағы тұрғындар үшін қауіп жоқ екенін мәлімдеді.

Дегенмен, Алматы қаласының кейбір аудандарында (әсіресе оңтүстік бөліктерде) тұрғындар ауаның ластанғанын, күйік иісі сезіліп тұрғанын айтып шағымданып жатыр.