Алматылық кәсіпкерлер көшелерді ретке келтіруге міндетті

Алматы әкімінің орынбасары мәслихаттың кезектен тыс сессиясында қалада мегаполис аумағын абаттандырудың жаңа ережелері күшіне енетінін айтты, деп хабарлайды Orda.kz.

Әкімдік абаттандыру паспорттарын енгізу туралы шешім қабылдады. Жаңа ережеге сәйкес, кәсіпкерлер тротуарларды, көгалдарды, қасбеттерді күтіп ұстауға, сондай-ақ қоқыс жәшіктерінің, пандустардың, қоршаулардың, тіпті көше жиһаздарының болуын тексеруге міндетті.

«

Төлқұжатты пайдалану аумақтардың, соның ішінде бизнес нысандары мен жеке меншік жағдайына бақылауды жақсартады», - деді әкімнің орынбасары Асқар Әмрин. 

Қоғамдық шараларды ұйымдастырушылар да тазалық сақтап, арттарын жинап кетуі керек.

«Концерттердің, фестивальдердің және ашық аспан астындағы жәрмеңкелердің көптігін ескерсек, бұл Алматы үшін өзекті және танымал шара болады», - деді Әмрин.

Жаңа ережелер жеке үйлердің иелеріне де әсер етеді, олар алаңды таза ұстап қана қоймай, үйінің нөмірі бар тақтайша орнатуы керек.

Естеріңізге сала кетейік, мәслихат сессиясында депутаттар қоғамдық көлікте жүру ақысын көтеруді мақұлдаған болатын.