Алматылық жүргізушіге 4,5 миллион теңге айыппұл салынды

Алматыда 4,5 миллион теңгеден астам жол ережесін бұзған жүргізуші анықталды. Бұл туралы қалалық полиция басқармасы хабарлады, деп мәлімдейді Orda.kz.

Ресейде тіркелген Toyota Camry көлігінің 38 жастағы иесі жол ережесін бұзу бойынша антирейтинг көшін бастады. Ер адам 4 миллион 574 мың 700 теңгеге жол ережесін бұзған. Одан кейінгі көшбасылықты 1 миллион 362 мың 750 теңге көлемінде айыппұлға қарыз болған BMW көлігінің иесі жалғастырады. 

Сондай-ақ Алматы қалалық полиция департаментінің баспасөз қызметі небәрі үш күнде қала жолдарында жүргізушілері жол ережесін өрескел бұзып, айыппұл төлемеген 33 көлік ұсталғанын хабарлады.

«Мен ресейлік нөмірі бар ресейлік тіркеудегі көліктің иесімін. Оны бірнеше жыл жүргіздім, бұзылды. Айыппұл жиынтығы шамамен 4,5 миллион теңге болды. Мені полиция қызметкерлері ұстады, олар көлікті тұраққа қойды. Амал жоқ, айыппұлды өтеу керек. Осы қарызды төлеп, мен қатты күйзеліске түстім: кейде маған тіпті дәрінің көмегіне сүйенуге тура келді. Болашақта бұл қайталанбайды. Айыппұлды өтеу өте ауыр болды. Бәрібр төлеуге тура келеді, сондықтан ереже бұзбаған жөн. Алматылықтарға, республика тұрғындарына осыны айтқым келеді», - деді құқық бұзушы.

Жол қозғалысы ережелерін қасақана бұзғандарды полиция автоматтандырылған ақпараттық жүйе арқылы анықтайды. Еске салайық, жыл басында Теміртау тұрғыны миллион теңгеге жол ережесін бұзған болатын. Жүргізуші жылдамдықты 40 рет бұзған.