Алматылықтар 42 мемлекеттік қызметті бір жерден алады

Алматыда Достық даңғылында әлеуметтік қызмет көрсету үйі ашылады. Мұнда алматылықтар «бір терезе» қағидаты бойынша 42 мемлекеттік және жеті мемлекеттік емес қызмет түрлерін ала алады. Бұл туралы қала әкімінің баспасөз қызметі хабарлады.

Әлеуметтік қызмет көрсету үйінің бірінші қабатында мына қызмет түрлерін алуға болады: әлеуметтік қамсыздандыру, тұрғын үй саясаты, жұмыспен қамту орталығы, азаматтарға арналған мемлекеттік корпорация, көші-қон полициясы, бірыңғай ұлттық зейнетақы қоры, мемлекеттік әлеуметтік сақтандыру қоры, медициналық-әлеуметтік сараптамалық қызмет.

Орталықтың ашылу күні әлі белгісіз. Алматы қаласының әкімі Бақытжан Сағынтаевтың айтуынша, қазір ғимарат қайта қалпына келтіріліп жатыр.