Алматылық отбасы 20 жыл төлқұжатсыз өмір сүрген

Үш баласы бар ана алғаш рет Қазақстан азаматтығын растайтын жеке құжаттарын алды.

Бұл туралы Orda.kz хабарлайды.

49 жастағы Ольга Денисова 20 жыл бұрын төлқұжатын жоғалтып, содан бері құжатсыз өмір сүрген. Мәселені шешу үшін ол Мемлекет басшысына жүгінді.

— 49 жастағы Ольга Денисова 20 жылдан астам уақыт бойы Қазақстан аумағында жеке басын куәландыратын құжатсыз өмір сүрген. Құжаттардың жоқтығынан және ауыр материалдық жағдайға байланысты оның үш баласы – (1996, 1999 және 2002 жылдары туған) да ешқандай құжат алмаған. Заңда көзделген міндетті рәсімдер жүзеге асырылғаннан кейін әйел мен оның балалары Қазақстан Республикасының азаматтары болып танылды. Оларға жеке куәлік берілді, — деді Көші-қон қызметі басқармасының бастығы Асхат Бүтіншінов.

Ольга Денисованың қызы ел Президентіне жүгінгеннен кейін құжаттарды рәсімдеуге көмек көрсетілді.