Алматылық көпбалалы аналарға автобуста жүру тегін

Алматыда қоғамдық көліктерде ақысыз жүруге құқылы адамдардың санаттары кеңейтілді. Енді көп балалы аналар қалалық автобустарда да тегін жүре алады. Бұл шешімді Алматы қаласы мәслихатының депутаттары мақұлдады.

Қалада барлығы «Алтын алқа» және «Күміс алқа» алқаларымен марапатталған 4 663 көпбалалы аналар тұрады. Оларға қалалық шағын автобустарда тегін жүру құқығы беріледі.

Сондай-ақ 18 жасқа дейінгі мүгедек балаларды ертіп жүретін алматылықтар автобустарда жүру кезінде 50% жеңілдік алды. Қалада осындай 1 161 адам бар.

Басқа мемлекеттердің аумағындағы әскери операциялардың ардагерлері де осындай жеңілдіктерді пайдалана алады.

Айта кетсек, шешімге дейін азаматтардың тоғыз санатына қалалық қоғамдық көліктерде жол ақысын төмендетілген болатын. Олардың ішінде:

• Ұлы Отан соғысының қатысушылары, мүгедектері және оларға теңестірілген адамдар;
• 75-тен асқан зейнеткерлер;
• I және II топтағы мүмкіндігі шектеулі, сондай-ақ он сегіз жасқа дейінгі мүгедек балалар;
• 1986 жылғы 17-18 желтоқсан оқиғаларына қатысқаны үшін саяси қуғын-сүргінге ұшыраған адамдар.

Сонымен қатар, тарифтік 50% жеңілдікке ие болатындар беріледі:

• 15 жастан жоғары жалпы білім беретін мектеп оқушылары;
• техникалық және кәсіптік білім беру ұйымдарының студенттері, -
• жоғары оқу орындарының күндізгі бөлім студенттері;
• зейнеткерлер.

Бұған дейін төрт және одан да көп балалы отбасы балалары 18 жасқа толғанға дейін тарифтің 50 пайызын төлейтін. Енді бұл санаттағы адамдар ақысыз жүре алатындардың тізіміне көшірілді.