Алматылық дәрігерлер уланған 11 баланың жағдайы туралы айтты

Алматылық дәрігерлер уланған 11 баланың жағдайы туралы айтты.

Бұл туралы Orda.kz хабарлайды.

– Тергеудің алдын ала мәліметтері бойынша, суды хлорлауға арналған жаңа аппарат бір апта бұрын орнатылған. Ол кенеттен істен шығып, бассейндегі суға хлор араласқан, - деді Алматы қаласы санитарлық-эпидемиологиялық бақылау департаменті бастығының орынбасары Сәдуақас Байғабылов.

Дәрігерлер қалдық хлор мен бактериологиялық зерттеулердің құрамын тексеру үшін бассейннен алынған су зертханалық зерттеулерге жіберілгенін атап өтті.

– 23 қыркүйекте синхронды жүзу тобына барған 14 баланың ішінен тұншығып, жөтелген 11 баланы жедел жәрдем бригадасы қалалық балалар клиникалық ауруханасының токсикология бөлімінің жедел жәрдем бөліміне жеткізді, - деді Сәдуақас Байғабылов.

Дәрігер 11 баланың денсаулығы қанағаттанарлық екенін айтты. Олар ем алып жатыр.