Алматылық адвокат Тигран Кеосаянды сотқа берді
Алматылық адвокат Жангелді Сүлейманов тележүргізуші Тигран Кеосаянды сотқа берді. Десе де оның бұл шешімін қолдамайтын қазақстандықтар да бар-мыс.
28 маусымда адвокат Жангелді Сүлеймановтың парақшасында оның ресейлік тележүргізуші Тигран Кеосаянды сотқа бергені туралы хабарлама жарияланды. Адвокат сотта Қазақстан азаматтарының ар-намысы мен қадір-қасиетін қорғауды жоспарлап отыр.
«Кеосаянның біздің халқымызға тіл тигізгені сөзсіз. СІМ-не осы іс төңірегіндегі берік позициясына рахмет. Бірақ қазақтар да кері жауап қайтару керек. Заңға сәйкес, жауапкер шетелдік болса да, мұндай істер бойынша біздің қазақстандық сотқа шағым беруге болады. Кеше мен Алматы қаласының Алмалы аудандық сотына осындай талап арыз бердім. Мен соттан Кеосаян өзінің Youtube каналында өзінің қателескені туралы жаңа бейне жариялауын сұраймын. Одан басқа ештеңе қажет емес», — деп жазды Сүлейманов.
Жазба астына жазылған пікірлерді қарап отырып Сүлейменовты құттықтағандарды және оның осы бір шешімін құп көрмейтіндерді де байқадық. Кейбір пайдаланушылар Сүлеймановтың сотта азаматтардың ар-намысы мен қадір-қасиетін қалай қорғауды жоспарлап отырғанын түсінбейтінін жазып жатты. Келіспейтіндердің бір бөлігі ҚР СІМ атынан құзырлы орган бұл мәселеге нүкте қойғанын жарыса алға тартып отыр.
Берілген талап арыз соттың қарауында, ал бұл Кеосаянның Қазақстан атына айтқан сөзі әлі де таласқа түсіп, талқылануы мүмкін дегенді білдіреді.
Естеріңізге сала кетейік, 24 сәуірде Russia Today бас редакторы Маргарита Симонянның күйеуі, тележүргізуші Тигран Кеосаян өз шоуында Қазақстанның Украина-Ресей қақтығысына қатысты өз «пікірін» айтқан болатын.
Сол күні ҚР СІМ тележүргізушіні нон-граттағы жеке тұлғалар тізіміне енгізу және елге кіруге тыйым салу туралы шешім қабылдады. Бірақ ол оған қорқа қоймаған сыңайлы, себебі Кеосаян болашақта Қазақстанға келетінін мәлімдеді.
Жаңалықтар
- АҚШ жер серіктеріне шабуыл жасау үшін ғарышқа қару орналастыруды жоспарлап отыр
- Қызылжардағы су басқан үйлердің 80 пайызға жуығы техникалық байқаудан өтті
- Алматыда 1 маусымға дейін Mass Alert сейсмикалық ескерту жүйесі енгізіледі
- Журналист жалаңаш бейнетүсірілімі үшін мемлекеттік органнан өтемақы өндірді
- Бішкекте шетелдіктерге қарсы наразылық күшейе түсті
- Қазақстан бүгін АҚШ құрамасымен хоккейден әлем чемпионатында кездеседі
- Қазақстан мен Жапония су тасқынымен күресуде күш біріктіреді
- «Атырау-Орал» тас жолы тасқын суды өткізу үшін қазылды
- СҚО-да су басқан үй қалмады – Төтенше жағдайлар министрлігі
- Арықтарды жөндеу Алматыны су басудан құтқармайды
- Orda News аптаның басты оқиғаларына шолу жасады
- Ердоған қапаста жатқан бұрынғы жеті генералға рақымшылық жасады
- Қасым-Жомарт Тоқаев БАӘ президенті Мұхаммед бен Заид Әл Нахаянмен телефон арқылы сөйлесті
- Тоқаев Путинмен телефон арқылы сөйлесті
- Атырауда облыс әкімдігіне қарама-қарсы орналасқан көрікті жерлер су астында қалды
- Қазақстанда Ресей заңнамасын бұзған Өзбекстан азаматтары ұсталды
- Банкроттыққа жүгінетін борышкерлер
- 2025 жылдан бастап кіріс туралы декларацияны жариялау міндетті болады
- Жалақының ЖІӨ-дегі үлесі талап етілетін 50 пайыздың небәрі 30 пайызын құрайды- Әшімбаев
- «Алатау» әлемдегі ең экологиялық таза және озық қала болады