Алматыға 145 млн еуроға сатып алынған әскери ұшақ қонды

Алматыға Қазақстанның қарулы күштері үшін 145 млн еуроға сатып алынған ұшақ қонды, деп хабарлайды Orda.kz.

Қорғаныс министрлігінің мәліметінше , Airbus A400M әскери-көліктік ұшағы 37 тоннаға жүкті тасымалдауға қабілетті. Шекті жылдамдығы сағатына 802 шқ. Ал ұшу биіктігі – 12200 м, практикалық қашықтығы – 7870 шқ.

Ведомствосының басшысы іс-шараға қатысушыларды айтулы оқиғамен құттықтады.

Заманауи, ұтқыр, жоғары технологиялық армия қашанда елдің қауіпсіздігін қамтамасыз ету мен қорғаныс қабілетін нығайтудың кепілі болып қала береді. Бүгін мемлекеттік қорғаныс тапсырысы аясында біз жеке құрамды, ауыр жүктерді, техниканы тасымалдауға, гуманитарлық операциялар шеңберіндегі тапсырмаларды орындауға арналған әскери-көліктік ұшақ алдық,  деді Руслан Жақсылықов.

Сондай-ақ,  2021 жылы Airbus Defence and Space компаниясымен жасалған келісімшартқа сәйкес, екінші ұқсас әуе кемесін жеткізу 2026 жылы күтілуде.