«Алматыэлектротранс» компаниясының бас директоры қамауға алынды

Ол параға алған ақшаны санап жатқан жерінен ұсталып, қараша айының соңына дейін қамауға алынды.

«Алматы қаласының мамандандырылған ауданаралық тергеу сотының 2022 жылғы 30 қыркүйектегі шешімімен күдікті И.-ға қатысты 2 айға дейін қамауда ұстау бұлтартпау шарасын санкциялау туралы өтінішхатты сот шешімі қанағаттандырды» деп хабарлайды Алматы қалалық сотының баспасөз қызметі.

Бұған дейін «Алматыэлектротранс» бас директорын Антикор 150 мың доллар пара алып жатқан жерінде ұстағаны белгілі болған.

Orda.kz хабарлағандай, 27 қыркүйекте Алматыдағы ірі көлік компаниясының қазірдің өзінде қызметінен босатылған басшысы Бекмырза Игенбердинов жеткізушілердің бірінен болашақтағы қамқорлығы үшін ақша алған.

Ол ақша санап жатқанда бірден қолға түсті.

Компания коммуналдық компания  және қалалық ұтқырлық басқармасына тиесілі. Қалалық әкімдіктің хабарлауынша, ұсталған азамат тергеу уақытында қызметінен уақытша шеттетілген.

Бекмырза Игенбердинов «Astana LRT» ЖШС-нің басшысы болған және қазіргі қызметіне Қалалық ұтқырлық басқармасының басшысы Мұрзаханов Ғанидің бұйрығымен тағайындалған. Осы жылдың маусым айында Игенбердинов «Қалалық көлік жүйелері» акционерлік қоғамының басқарма төрағасы қызметінен кетті.