Алматыдағы базар қоймаларынан шыққан ірі өрт ауыздықталды

Алматының барахолкаға қарасты қоймаларында тұтанған  ірі өрт ауыздықталды, деп хабарлады қалалық Төтенше жағдайлар департаментінің баспасөз қызметі.

«Бүгін  09:45-те базар қоймаларында тұтанған ірі өрт ауыздықталды» делінген сенбі, бүгінгі күнгі хабарламада.

Бұған дейін Алматыдағы қоймалардан шыққан  өрт сөндіріліп жатқаны туралы хабарлаған болатынбыз. Өртті сөндіруге 100 адам қатыстырылды. Ғимараттың жобалық ерекшеліктеріне байланысты жоғары температура салдарынан  құрылымдардың құлау қаупі туындады. 

Өрт сөндірушілер қауіпсіздік ережелерін сақтай отырып жұмыс істеді. Тауарлық-материалдық құндылықтар сақталған көрші қоймалардағы өрттің алдын алу жұмыстары жүргізілуде. Көрші қоймаларды сөндіру және қорғау үшін арнайы жабдықтар кіргізілді.