Алматыдағы барахолкада өрт: құрылым құлауы мүмкін

Қаланың Жетісу ауданындағы Москвина көшесіндегі қоймалар өртеніп жатыр. Жоғары температура әсерінен құрылыстардың құлау қаупі бар.

Өрт туралы хабарлама кезекші бөлімшеге Алматы уақыты бойынша таңғы сағат 7:16-да түскен.

Қалалық ТЖД Москвина көшесіндегі қоймалар өртеніп жатқанын хабарлады. Жедел штаб пен бірнеше жерден өрт сөндіру учаскелері құрылды.

Ғимараттың жобалық ерекшеліктеріне байланысты пайда болған жоғары температура салдарынан құрылымдардың құлау қаупі туындады. Өрт сөндірушілер қауіпсіздік ережелерін сақтай отырып жұмыс істеуде, көрші қоймаларды сөндіру және қорғау үшін оқпандар енгізілді.

Өртті сөндіруге Төтенше жағдайлар департаментінен 25 техника, 85 адам, сондай-ақ барлық күштері мен құралдары жұмылдырылды.

Өрттің жайылу аумағы әзірге белгісіз.