Алматыдан Анталияға 68 млн теңгеге алтын өткізуге тырысқандар ұсталды

Алматыда аса ірі көлемде алтын контрабандасымен айналысқан адамдар тобы сотталды. Ұсталғандар авиакомпания қызметкерлері болып шықты.

Бұл туралы Orda.kz қаржы мониторингі агенттігінің баспасөз қызметіне сілтеме жасай отырып хабарлайды.

Тергеу зергерлік бұйымдар саудасымен айналысқан екі кәсіпкердің «Алматы — Анталья» әуе рейсімен салмағы 3,1 килограмдық, жалпы бағасы 68 миллион теңге болатын бірнеше алтын құймасын тасымалдауға тырысқанын анықтады. Контрабандашылар авиакомпанияның екі қызметкері болып шықты.

Алматы бойынша Экономикалық тергеу департаментінің қызметкерлері Алматы ҰҚКД-мен бірлесіп қылмыстық әрекеттің алдын алды.

Екі ұйымдастырушыға әрқайсысына 3,3 миллион теңге сомасында айыппұл, екі қатысушыға – 100 сағатқа мәжбүрлі еңбекке тарта отырып, бір жыл мерзімге бас бостандығын шектеу түріндегі жаза тағайындалды.