«Алматыдағы жол апаты»: Полиция көлігі жеңіл көлікпен соқтығысты

Бүгін таңертең Қабанбай батыр мен Желтоқсан көшелерінің қиылысында полиция автобусы жеңіл көлікпен соқтығысты. 

Бұл туралы Orda.kz тілшісі хабарлады.

Orda.kz Алматы қаласы полиция басқармасының баспасөз қызметіне хабарласып оқиғаның мән-жайын сұрады.

«Бүгін таңғы 07:40-та Қабанбай батыр мен Желтоқсан көшелерінің қиылысында мамандандырылған күзет қызметі басқармасының қызметтік көлігінің жол апаты оқиғасы бойынша тергеу басталды. Апат салдарынан Suzuki маркалы көліктің жүргізушісі зардап шекті. Ол қаланың бір ауруханасына жеткізілді. Жол апатының басқа да мән-жайлары анықталып жатыр» деп мәлімдеді Алматы қалалық полиция басқармасының баспасөз қызметі.