Алматыдағы жер сілкінісіне қатысты ТЖМ 14 шенеунікті жазаға тартты

Алматыдағы жер сілкінісі кезінде бөлімшелердің дұрыс әрекет етпегені үшін Төтенше жағдайлар министрлігінің 14 қызметкері жазаланды, деп хабарлайды Orda.kz порталы.

ТЖМ-нің Алматыдағы жер сілкінісі кезінде бөлімшелердің дұрыс әрекет етпеуі бойынша жүргізген қызметтік тексеріс қорытындысынан 14 қызметкер жазаланды.

Олардың ішінде министрліктің төрт басшысы және олардың бес орынбасары, ведомстволық бағынысты ұйымның бір басшысы, аумақтық бөлімше басшысы мен оның орынбасары қатаң тәртіптік жауапкершілікке тартылды.

«Төтенше жағдайлар министрлігі мен Төтенше жағдайлар департаментінің екі басшысына қатысты олар бұрын қолданылған жазамен шектелді» деп хабарлайды ведомствоның баспасөз қызметі.