Алматыдағы жер сілкінісі: министр қай оқу орындарына зақым келгенін айтты

Ғылым және жоғары білім министрі Саясат Нұрбек 4 наурыздағы жер сілкінісінен кейін зақым келген қаладағы жоғары оқу орындары туралы айтты.

Оның мәліметінше, әл-Фараби атындағы қазақ ұлттық университеті, Абай атындағы ҚазҰПУ, Қазақ ұлттық қыздар педагогикалық университеті және бірнеше жатақхана ғимараттарында жарықтар пайда болған.

"Біз сейсмикалық төзімділік бойынша қала құрылысы бөлімдерінен арнайы мамандарды шақырып, сараптама жүргіздік. Тірек құрылымдарына зақым келген жоқ. Жарықтар бар, бірақ бұл қауіп тудырады деп айта алмаймыз. Барлық студент дереу шығарылды. Бірнеше пункіде өтетін ҰБТ тоқтатылды. Біз барлық сабақты тоқтаттық", - деді министр мәжіліс кулуарында. 

Жөндеу жұмыстарын университеттер өз қаражатына жүргізеді. Нұрбек келген шығын көлемі аз екенін айтып отыр. Құрылымдық зақым келмеген.